Queres seguir a Gala dos Premios Martín Códax da Música?
Este 27 de outubro o Pazo da Cultura de Pontevedra acollerá os prestixiosos galardóns.
Por X.M. Fernández | Pontevedra | 27/10/2021 | Actualizada ás 09:45
As condicións de aforo do Pazo da Cultura de Pontevedra, e dadas as restricións actuais, permitiron sacar algunhas prazas para o público xeral que aínda poda e queira asistir á gala.
Aqueles que queiran estar presentes na VIII edición dos premios máis importantes da música galega poderán intentar conseguir unha butaca escribindo un correo electrónico a info@trisquelia.com antes das 13:00 h. indicando o nome completo e un teléfono de contacto ou tamén achegándose ao propio pazo ás 19:30 h.
As/os que non puideran facerse con esa entrada para acceder ao Pazo da Cultura de Pontevedra teñen a oportunidade de seguir a Gala dos Premios en directo a partir das 21:00 h. na web http://www.premiosmartincodaxdamusica.gal/
As persoas encargadas da dirección musical da VIII Gala dos Premios Martín Códax da Música son Carmen Rey e Ramón Bermejo, dúas grandes figuras da música galega, coa colaboración de Lucas Rei Ramos e Manuel Abraldes.
