A Xunta urxe ao Goberno un marco enerxético para buscar unha solución para Alcoa San Cibrao e Alu Ibérica
Pide que se lle convoque de forma inmediata xunto aos traballadores.
Por Europa Press / Redacción | A CORUÑA | 01/12/2021 | Actualizada ás 11:36
O conselleiro de Economía, Francisco Conde, volveu a demandar ao Goberno un marco enerxético para garantir o futuro das plantas de Alcoa San Cibrao, en Lugo, e de Alu Ibérica, na Coruña, ao ser preguntado pola situación de ambas as fábricas.
En ambos os casos, vinculouna cun "problema enerxético". "Que impide que Alcoa lle dar continuidade á produción de aluminio primario e que Alu Ibérica poida atopar un futuro concreto para dar viabilidade aos postos de traballo".
Preguntado pola última proposta de Alcoa -- que prevé cesamentos temporais da actividade da planta a cambio de "un permiso retribuído" aos traballadores afectados e o compromiso de "non iniciar ningún despedimento colectivo por un período de catro anos"-- que os traballadores rexeitaron, pediu ao Goberno que "de forma inmediata" convoque aos traballadores e á Xunta.
"Para avaliar cal é a situacion nun contexto no que se demostra o fracaso da política do Goberno, a inexistencia dun prezo eléctrico competitivo está a ser unha barreira para que se poida atopar un comprador que asuma a planta ou que Alcoa lle poida dar continuidade". "Necesitamos solucion definitivas e non provisionais", apostilou.
ALU IBÉRICA
Nos mesmos termo, pronunciouse sobre a situación da planta de Alu Ibérica na Coruña. Así, insistiu na necesidade de saber "cal vai ser o marco enerxético" para atopar compradores.
"Sen esa concreción e implicación é difícil por parte da Xunta poder traballar na procura dunha solución", dixo, pedindo tamén que se convoque a unha reunión ao comité e á administración autonómica.
