Falecen catro persoas que foran diagnosticadas con COVID

A morte doutras catro persoas que foran diagnosticadas coa covid, tres mulleres e un home, eleva as vítimas mortais da pandemia en Galicia a 2.710.

Segundo informou a Consellería de Sanidade, dous destes falecementos tiveron lugar na xornada do luns: un home de 86 anos que permanecía ingresado no Complexo Hospitalario Universitario da Coruña (CHUAC) e unha muller de 78 que recibía asistencia no Complexo Hospitalario Universitario de Pontevedra.

Ademais, este martes faleceu unha muller de 90 anos no Hospital Povisa e outra de 92 na residencia CLECE Pardo Bazán de Vigo.

Todos eles tiñan patoloxías previas.

Varias sanitarias preparan a terceira dose da vacina contra o Covid-19, a 19 de novembro de 2021, en Pontevedra. Beatriz Ciscar - Europa Press