Un tapiz do galego Borja Fontán, imaxe conmemorativa do 300 aniversario da Real Fábrica de Tapices
'El tapiz de Elion' é unha obra participativa na que o artista busca implicar a 700 mecenas que o patrocinen.
Por Europa Press / Redacción | SANTIAGO DE COMPOSTELA | 21/12/2021 | Actualizada ás 17:35
A Real Fábrica de Tapices elixiu a peza 'El tapiz de Elion', do vigués Borja Fontán, como imaxe conmemorativa para o seu 300 aniversario. O artista, de tan só 25 anos, mantivo este martes un encontro co conselleiro de Cultura, Educación e Universidade, Román Rodríguez. O titular de Cultura destacou o talento do artista que ilustrará a devandita efeméride.
O tapiz ten un deseño exótico que pretende simbolizar, por unha banda, os valores da mocidade actual, e por outro, á institución para a que está destinado e o seu equilibrio entre vangarda e tradición.
A peculiaridade do tapiz é que se trata dunha obra participativa, que o artista non dará por finalizada ata que non atope aos máis de 700 mecenas que a patrocinen. Para iso, Fontán puxo en marcha unha plataforma de crowdfunding que lle permitirá atopar a este grupo de mecenas, cuxos nomes figurarán no tapiz e que poderán visitar gratuitamente os museos e exposicións nos que se expoña.
A peza formará parte das conmemoracións dunha institución que leva 300 anos realizando o labor de conservación do patrimonio téxtil español.
