A Deputación de Ourense reparte 600.000 euros entre concellos e entidades deportivas, culturais e educativas
Por E.P. | SANTIAGO DE COMPOSTELA | 29/12/2021 | Actualizada ás 19:52
O goberno da Deputación de Ourense deu luz verde á repartición de máis de 600.000 euros a través de convenios con concellos e entidades deportivas, culturais e educativas da provincia.
Os acordos de colaboración foron aprobados na xunta de goberno provincial celebrada de forma telemática este mércores e que estivo encabezada polo vicepresidente provincial, Rosendo Fernández.
En concreto, os convenios con concellos consisten en axudas para distintas actuacións nos concellos de Baltar (48.000 euros), Castrelo de Miño (10.000 euros), Laza (48.000 euros), Cartelle (100.000 euros), Cortegada (15.000 euros), Larouco (48.000 euros), Monterrei (22.500 euros), Oímbra (24.000), Paderne de Allariz (45.000 euros), Rairiz de Veiga (46.000 euros) e Trasmiras (48.000 euros).
Ademais, o goberno provincial tamén concedeu distintas subvencións a outras entidades, entre as que destacan os 25.0000 euros outorgados ao IGP Castaña de Galicia, os 18.000 euros á Federación Provincial de Asociacións de Pais de Alumnos de Centros Públicos As Burgas e os 13.000 euros para a Fundación Festa dá Istoria.
