Xunta e Concello de Castrelo de Miño colaborarán para baixar o nivel de arsénico do sistema de abastecemento

O Goberno galego autorizou na súa reunión semanal a firma dun convenio de colaboración co Concello de Castrelo de Miño para desenvolver as actuacións necesarias para reducir os niveis de arsénico do sistema de abastecemento municipal de auga.

Así, a Xunta destinará 400.000 euros a financiar as obras precisas para abastecer á poboación con garantías sanitarias e a redacción do proxecto para a solución definitiva deste problema.

O Concello de Castrelo de Miño realizou o pasado 17 de decembro unha declaración de emerxencia para afrontar as incidencias do abastecemento en colaboración con Augas de Galicia.

Casa do Concello de Castrelo de Miño | Fonte: Wikipedia