O Goberno acometerá investimentos en dependencias policiais da Coruña para mellorar a eficiencia enerxética
As actuacións costarán 2,6 millón de euros.
Por Europa Press / Redacción | A CORUÑA | 07/01/2022 | Actualizada ás 14:22
A subdelegada do Goberno na Coruña, María Rivas, cifrou en 2,6 millóns o investimento en dependencias da Garda Civil e a Policía Nacional na provincia da Coruña para mellorar a sustentabilidade e a eficiencia enerxética.
O Ministerio para a Transición Ecolóxica e o Ministerio de Interior acordaron este investimento para o desenvolvemento das actuacións conxuntas do Plan de Transición Enerxética na Administración Xeral do Estado.
O Goberno levará a cabo a rehabilitación de instalacións "con criterios de eficiencia e contribuirase a unha mobilidade verde nas zonas con urxencias demográficas". A iniciativa está enmarcada no Plan de Recuperación, Transformación e Resiliencia.
O acordo establece na provincia da Coruña catro actuacións: no cuartel da Garda Civil de Corcubión; na Xefatura Superior de Policía de Galicia; na comisaría de Santiago de Compostela e no cuartel da Garda Civil de Fene.
