Falecen dous homes que foran diagnosticados previamente con COVID

A morte de dous homes, un deles de 55 anos de idade, elevou as vítimas da pandemia en Galicia a un total de 2.858.

Segundo informou este martes a Consellería de Sanidade, estes dous falecementos tiveron lugar na xornada do luns e ambos presentaban patoloxías previas.

En concreto, trátase dun home de 55 anos de idade que permanecía ingresado no Complexo Hospitalario Universitario de Ourense (CHUO) e doutro de 85 que recibía asistencia no Complexo Hospitalario Universitario de Vigo.

Preparación de vacinas contra a Covid na área de Pontevedra e O Salnés.. ÁREA SANITARIA DE PONTEVEDRA