O alcalde de Santiago e un dos seus concelleiros dan positivo en covid
O rexedor compostelá atenderá os asuntos municipais dende o seu domicilio.
Por Europa Press / Redacción | SANTIAGO DE COMPOSTELA | 02/02/2022 | Actualizada ás 11:53
O alcalde de Santiago, Xosé Sánchez Bugallo, así como un dos concelleiros da corporación, deron positivo en covid-19, segundo confirmou este mércores o departamento de comunicación do concello.
En concreto, Sánchez Bugallo deu positivo por covid na tarde deste martes, tras dúas probas de antíxenos negativas, e recupérase no seu domicilio nestes momentos. O rexedor presenta síntomas leves e permanecerá illado, de acordo cos protocolos sanitarios, aínda que continuará atendendo os asuntos municipais de forma telemática.
Así mesmo, tamén deu positivo o concelleiro de Educación, Rubén Prol, que tiña convocada para esta mañá unha rolda de prensa na que tivo que ser substituído.
