Feijóo intervirá no programa especial de TVE sobre a xornada electoral en Castela e León

O presidente da Xunta, Alberto Núñez Feijóo, intervirá no programa especial de TVE que Ana Blanco e Carlos Franganillo presentarán desde Torrespaña para o seguimento da noite electoral en Castela e León.

O mandatario galego, que este mesmo venres participa no peche da campaña do Partido Popular en Valladolid arroupando ao seu compañeiro de filas e aspirante á reelección, Alfonso Fernández Mañueco; será un dos invitados do programa, no que tamén intervirá o seu homólogo na Generalitat Valenciana, Ximo Puig.

O espazo forma parte do despregamento que RTVE realizará este domingo en Castela e León para informar as votacións ao longo da xornada electoral deste 13 de febreiro e analizar os resultados en todas as súas canles cunhas especial Eleccións en Castela e León en RTVE Noticias. Toda a programación poderá seguirse en RTVE Play.