Os carteiros rurais comezan a prestar a domicilio os servizos que se ofrecen en oficinas

O milleiro de carteiros rurais que traballan en Galicia prestan xa a domicilio os servizos que, ata agora, só se ofrecían nas oficinas de Correos. Os traballadores empregan dispositivos electrónicos portátiles (PDAs) cos que poden realizar estes trámites, segundo informa Correos nun comunicado.

Entre os servizos a domicilio que se ofrecen está o envío e recibo de paquetería, o pago de recibos e tributos, a compra de embalaxes, sobres e selos ou xestións de servizos de luz, gas e telefonía. Ademais, tamén pode solicitarse o envío de diñeiro en efectivo e outros servizos demandados.

Carteira rural en Galicia. CORREOS | Fonte: Europa Press