Avanza a remodelación da liña ferroviaria entre Lugo e Ourense

Unha delegación do Ineco, co seu presidente, Sergio Vázquez Tourón, visitou este venres as obras do viaduto da Chanca, que forma parte da remodelación da liña ferroviaria entre Lugo e Ourense.

Tourón estivo acompañado na súa visita polo delegado do Goberno, José Miñones, e a alcaldesa de Lugo, Lara Méndez, que coñeceron o avance da actuación nesta ponte con máis de 150 anos de antigüidade. Esta obra forma parte dos traballos de renovación que Adif leva a cabo na liña férrea entre Ourense, Monforte e Lugo.

Ineco presta apoio a Adif en todo o corredor con servizos de dirección e de control e vixilancia das obras que inclúen a renovación da infraestrutura e a vía e a mellora das estruturas.

O presidente de Ineco, Sergio Vázquez Tourón, visita as obras do viaduto da Chanca acompañado polo delegado do Goberno, José Miñones, e a alcaldesa de Lugo, Lara Méndez | Fonte: INECO.