Luar na Lubre e Wolfstone, novas confirmacións do Festival de Ortigueira
Únense ás xa confirmadas Tanxugueiras e Red Hot Chilli Pipers.
Por Europa Press / Redacción | Santiago de Compostela | 05/04/2022 | Actualizada ás 18:29
O Festival Internacional do Mundo Celta de Ortigueira anunciou que suma ao seu cartel ao grupo de folk tradicional e rock escocés Wolfstone e ao grupo galego Luar na Lubre, que se unen ás xa confirmadas Tanxugueiras e a Red Hot Chilli Pipers, nunha edición que a organización definiu como "a máis longa da historia" e que se celebrará do 10 ao 17 de xullo.
A organización tamén confirmou os primeiros horarios. As encargadas de dar o pistoletazo de saída a esta edición do Festival de Ortigueira serán as Tanxugueiras, o domingo 10 de xullo, mentres que Red Hot Chilli Pipers actuarán o venres 15 e Wolfstone o sábado 16. Luar na Lubre subirase ao escenario o último día, o domingo 17.
O festival, declarado de Interese Turístico Internacional, quixo agradecer as "numerosísimas" mostras de agarimo do público e o apoio recibido durante os últimos dous anos nos que non se puido celebrar debido á pandemia e aseguraron que esperan poder ofrecer "un festival inesquecible" para todos os amantes da música celta.
