Rafa Domínguez, reelixido presidente do PP local de Pontevedra co 97,3% dos votos
Estivo arroupado por Alberto Núñez Feijóo, Mariano Rajoy e Alfonso Rueda.
Por Europa Press / Redacción | Pontevedra | 07/05/2022 | Actualizada ás 15:49
Rafa Domínguez foi reelixido este sábado como presidente do PP local de Pontevedra co 97,3% dos votos e revalida así o seu cargo á fronte do PP pontevedrés.
Arroupado polo líder do PP nacional, Alberto Núñez Feijóo, o expresidente do Goberno Mariano Rajoy, o presidente provincial do PP de Pontevedra, Alfonso Rueda, e a deputada popular Ana Pastor, entre outros, Rafa Domínguez agradeceu o seu apoio e reivindicouse como "un alcalde que escoita". "Non quero se un alcalde pechado no meu despacho, quero ser o alcalde que escoita a todos", subliñou.
Domínguez concorrerá de novo ás eleccións municipais na cidade do Lérez en 2023, despois de conseguir nove escanos nos comicios de 2019, por detrás do nacionalista Miguel Anxo Fernández Lores.
