Tres novos falecidos por COVID aumenta o número de mortes en residencias de maiores en Galicia
En total, na semana do 23 ao 29 de maio rexistráronse tres mortos en toda a Comunidade galega en residencias, todos eles de novo en centros de maiores. Ata a data nestes centros morreron 912 persoas con Covid confirmada por PDIA de 23.333 no conxunto de España.
Por Europa Press / Redacción | SANTIAGO DE COMPOSTELA | 08/06/2022 | Actualizada ás 17:09
Os falecementos de residentes de centros de maiores con Covid-19 confirmado por Proba Diagnóstica de Infección Activa (PDIA) desde o inicio da pandemia o 14 de marzo de 2020 ata o pasado 29 de maio de 2022 ascenden a 882 no conxunto de Galicia, despois de rexistrarse outras tres vítimas.
Así se desprende do último informe actualizado unha vez por semana polo Instituto de Maiores e Servizos Sociais (Imserso) con datos ata o 29 de maio, recollido por Europa Press, no que se detalla que en España morreron en centros de maiores nese período 22.691 residentes, dos cales 882 corresponden a Galicia, tres deles entre o 23 e 29 de maio.
En total, na semana do 23 ao 29 de maio rexistráronse tres mortos en toda a Comunidade galega en residencias, todos eles de novo en centros de maiores. Ata a data nestes centros morreron 912 persoas con Covid confirmada por PDIA de 23.333 no conxunto de España.
Desde o 14 de marzo de 2020 ata o 29 de maio --as comunidades autónomas remiten ao Imserso datos sobre a situación dos centros residenciais do seu territorio, tanto de maiores, como para persoas con discapacidade e outros aloxamentos permanentes de servizos sociais dirixidos aos colectivos anteriores--, en España faleceron con Covid en centros de maiores 22.691 usuarios, 54 deles na semana do 23 ao 29 de maio.
No conxunto de residencias da Comunidade galega, na semana do 23 ao 29 de maio rexistráronse 94 usuarios con Covid-19 confirmados por PDIA nun total de 34 centros. En toda España ascenden a 2.861 en 647 destas instalacións.
Do total de Galicia, 72 casos de Covid-19 corresponden a usuarios de 27 residencias de maiores nesa semana, que desde o 14 de marzo de 2020 ata o 29 de maio suman 14.249 persoas con esta enfermidade na Comunidade galega, de 237.850 en toda España.
