Galicia acumula nos cinco primeiros meses do ano a maior compravenda de vivendas desde 2010
O incremento é catro puntos inferior á media do Estado.
Por E.P. | Santiago de Compostela | 15/07/2022 | Actualizada ás 11:07
Galicia rexistra 8.902 compravendas de vivendas nos cinco primeiros meses do ano, o que supón a maior cifra desde 2010, cando se pasaba de 9.000 operacións.
No mes de maio, Galicia computou un total de 1.830 compravendas de vivendas, un 23,9% máis que no mesmo mes de 2021, segundo os datos que publica o Instituto Nacional de Estatística (INE) este venres. Este incremento é catro puntos inferior ao avance do 27,7% que se anota a media do Estado.
Sobresae o 68% de aumento que ocorre en Baleares. Só dúas comunidades están en datos interanuais negativos este mes, Aragón (-1%) e Navarra (-0,5%). Un mes máis, Galicia conta co menor número de operacións por 100.000 habitantes, con 84, fronte ás 159 do conxunto do Estado.
Do total de 1.830 vivendas, 1.763 eran libres e 67, protexidas. A gran maioría tratábase de vivenda usada (1.460) e o resto correspóndense con nova (370).
O total de leiras transmitidas inscritas nos rexistros foi de 9.940, un aumento do 18%, neste caso por enriba da media española (14,6%).
Deste total de leiras, 2.912 eran leiras rústicas (872 compravendas, 50 doazóns, 47 permutas, 1.039 herdanzas e 904 operacións doutra clase) e as restantes 7.028 son urbanas (3.422 compravendas, 74 doazóns, 31 permutas, 1.517 herdanzas e 1.984 operacións doutro tipo).
As leiras urbanas transmitidas correspóndense con 3.810 vivendas (as 1.830 compravendas, 37 doazóns, 12 permutas, 918 herdanzas e 1.013 operacións doutro tipo), 266 solares e 2.952 doutro tipo.
