Ollo se tes que viaxar con Ryanair... continúan os atrasos
Demoras en catro voos de Santiago pola folga de tripulantes de cabina.
Por Europa Press / Redacción | SANTIAGO DE COMPOSTELA | 18/07/2022 | Actualizada ás 12:45
As folgas dos tripulantes de cabina de pasaxeiros (TCP) españois de Ryanair deixaron ata as 13.00 horas deste luns un total de 10 voos cancelados e 136 atrasos --cinco deles en Santiago de Compostela--, segundo informou o sindicato USO.
O aeroporto do Prat en Barcelona e o de Palma son os máis afectados as cancelacións en voos de Ryanair este luns. Canceláronse catro voos con orixe no Prat e outros dous con orixe en Palma de Mallorca. As outras cancelacións producíronse desde aeroportos de Londres, Hamburgo, Milán e Roma.
No que se refire a os atrasos, á primeira hora da mañá a folga provocou un total de 93 demoras de operacións (37 saídas e 56 chegadas). A maior afectación está nestes momentos no aeroporto de Barcelona (26 atrasos en total) e Palma de Mallorca (23 atrasados en total). Séguenlle Xirona (6), Madrid (5), Málaga (9), Sevilla (6), Alacante (7), Santiago de Compostela (4), Eivissa (6) e Valencia (1).
Os TCPs da arolínea de baixo custo irlandesa están convocados a catro novas xornadas de folga esta semana, en concreto desde o luns e ata o xoves.
