Feridos unha nai e os seus fillos nun accidente entre dous coches en Mazaricos
Outra muller tivo que ser excarcerada tras outro accidente na Ramallosa
Por Europa Press / Redacción | Santiago de Compostela | 10/09/2022 | Actualizada ás 20:08
Unha nai e os seus dous fillos resultaron feridos nun accidente de circulación entre dous coches rexistrado na tarde deste sábado no concello coruñés de Mazaricos.
Segundo informou o CIAE 112 Galicia, o sinistro produciuse minutos despois das 14,00 horas na estrada DP-4502 ao seu paso por Chacín.
Desprazados ao lugar, os profesionais de Urxencias Sanitarias 061 evacuaron a nai e os dous menores ao Hospital Clínico de Santiago.
Tamén este sábado, os profesionais do GES de Val Miñor excarceraron a ocupante dun vehículo que sufriu unha saída de vía e chocou contra un muro.
O accidente produciuse na Avenida de Portugal, na Ramallosa. Ata alí mobilizáronse os profesionais do GES, que tiveron que emplar o equipo de excarceración para liberar a muller, que foi evacuada a un hospital.
