CIG impugna unha convocatoriade acceso a Navantia por "falta de respecto aos principios de igualdade"
O sindicato lembra que "non se pode acceder a un contrato de traballo, temporal ou indefinido, nunha empresa pública sen que haxa un proceso garantista, con elementos de obxectividade"
Por Europa Press / Redacción | SANTIAGO DE COMPOSTELA | 14/09/2022 | Actualizada ás 18:27
A CIG solicitou o pasado 26 de agosto a nulidade dunha convocatoria de prazas de acceso a Navantia que non están incluídas no Plan de Emprego 2019-2022, aducen. O sindicato sinalou que nas vacantes que se convocan para persoas tituladas universitarias na compañía "hai falta de respecto aos principios de igualdade, mérito e capacidade no acceso ao emprego público".
Neste período, apunta a CIG, puxéronse "a disposición da dirección para tratar de evitar o preito legal sen resultadopositivo" e solicitaron "unha mediación previa no SMAC". "Non foi posible, hoxe no SMAC renunciaron a esta mediación", lamenta a CIG.
O sindicato lembra que "non se pode acceder a un contrato de traballo, temporal ou indefinido, nunha empresa pública sen que haxa un proceso garantista, con elementos de obxectividade que permitan acreditar os preceptos de igualdade, mérito e capacidade", para o que pide "probas obxectivas en todos os procesos de acceso", que as probas de inglés "teñan a garantía da participación dun organismo comola Escola Oficial de Idiomas" ou que as probas psicotécnicas "sexan realizadas por profesionais da psicoloxía, cos estándares técnicos desa disciplina".
