Morre atropelada en Cervo unha muller de 82 anos

Unha muller de 82 anos faleceu na tarde deste venres en Cervo  tras ser atropelada por un turismo na estrada N-642, que une esta localidade con Celeiro.

Foi un particular o que alertou dos feitos pasadas as 17,30 horas. Segundo indicaba na chamada, a vítima quedara tendida na vía e estaba inconsciente.

Púxose entón en marcha un operativo de emerxencias no que participaron efectivos do GES de Cervo, da Garda Civil e dos Bombeiros de Viveiro, aínda que estes últimos non tiveron que intervir.

Así mesmo, foron mobilizados sanitarios do 061, que só puideron certificar o falecemento da muller.

Ambulancia do 061.