A Amtega presenta unha nova guía de boas prácticas para a liberación de contido e software este martes

A Axencia para a Modernización Tecnolóxica de Galicia (Amtega) presentará a nova guía de boas prácticas para a liberación de contidos e software o próximo 20 de setembro, nun acto público e aberto que terá lugar no GaiasTehc.

Tal e como explican nun comunicado, en 2014 a Xunta presentou dous guías de boas prácticas para a liberación de contidos. "Esta iniciativa foi pioneira no seu momento, como aposta pola difusión e fomento do software libre por parte dunha Administración pública", destacan.

Detallan ademais que a nova guía que se presenta foi creada pensando non tanto para o seu uso interno, como para o público en xeral. É por isto que lla deu un estilo máis didáctico, "tratando de achegar os contidos dunha forma e cunha linguaxe máis cotiá".

Indican ademais que a creación deste tipo de guías atendía a unha necesidade detectada: "a de poder contar con documentación en galego sobre os aspectos a ter en conta para publicar contidos baixo licenzas libres, e tamén sobre o proceso de publicar un proxecto software como software libre".

A guía comeza cunha introdución á propiedade intelectual e as normativas que a regulan. Explícase o concepto de licenza de uso, que tipos de licenzas hai no campo do software libre, que implicacións ten apostar por un tipo ou por outras ou as compatibilidades e incompatibilidades que hai entre elas.

Tamén aborda os pasos a seguir e os aspectos a ter en conta para publicar contidos con licenzas libres e tamén como publicar un proxecto software baixo unha licenza destas características.

A directora xeral da Axencia para a Modernización Tecnolóxica de Galicia (Amtega), Mar Pereira, comparece na Comisión de Economía do Parlamento galego. XOÁN CRESPO