O servizo de teleasistencia da Deputación da Coruña ampliarase aos municipios de ata 75.000 habitantes
Segundo informou a deputada de Benestar Social, Ana Lamas, explicou que a administración provincial habilitará un servizo de transporte entre os centros educativos e o fogar infantil de Ferrol, unha demanda dos dous municipios.
Por E.P. | A CORUÑA | 21/09/2022 | Actualizada ás 19:24
A Deputación da Coruña ampliará o servizo de teleasistencia aos municipios de ata 75.000 habitantes, segundo informou a deputada de Benestar Social, Ana Lamas.
Fíxoo tras unha reunión mantida no fogar infantil de Ferrol coas concelleiras de servizos sociais de Ferrol e Narón, na que destacou o interese en sumarse a este servizo.
Ademais, explicou que a administración provincial habilitará un servizo de transporte entre os centros educativos e o fogar infantil de Ferrol, unha demanda dos dous municipios.
Por outra banda, a Deputación da Coruña publicou este mércores, no Boletín Oficial da Provincia (BOP), a concesión de axudas da liña PEL-Autónomos do Plan de Emprego Local, que ten por obxectivo sufragar parte das cotas da Seguridade Social durante 2022 das persoas autónomas naqueles meses que xa non perciban outras axudas, bonificacións nin reducións.
