Yolanda Díaz métese no mar coas mariscadoras: "España fará o que teña que facer para defender á Pesca"
Por Europa Press / Redacción | SANTIAGO DE COMPOSTELA | 30/09/2022 | Actualizada ás 13:16
A vicepresidenta segunda do Goberno e ministra de Traballo e Economía Social, Yolanda Díaz, asegurou que a pesca de arrastre ten "todo o compromiso do Goberno de España" para emprender as accións que sexan precisas para protexer un sector que considera fundamental.
Yolanda Díaz, que hoxe mantivo un encontro con mariscadoras e pescadores en Vilagarcía de Arousa, manifestou a súa "absoluta solidariedade" co sector da pesca de arrastre, á vez que explicou que, tras falar cos responsables do Goberno en materia de pesca, chegouse ao compromiso de que España "fará o que teña que facer" para defender un sector "que é clave para a economía do país".
Preguntada sobre iso inclúe a presentación dun recurso ante o Tribunal de Xustiza da Unión Europea, a vicepresidenta segunda reiterou que "hai que defender este sector como sexa".
Díaz asegurou que a súa prioridade sempre é "falar e dialogar". Pero, engadiu, "se non hai diálogo, España terá que defender, exercendo o que teñamos que exercer, os intereses do sector, como o fan o resto de países de Europa".
