O portal do edificio de Maceda no que se produciron os disparos e a casa da vivenda non foron forzados

O portal do edificio de Maceda (Ourense) no que un home resultou ferido de bala polos tres disparos perpetrados por outro home, do que se segue a pista, non foi forzado polo atacante. Tampouco presentou danos visibles para tentar acceder á vivenda a porta do domicilio da vítima, que segue en reanimación no Complexo Hospitalario Universitario de Ourense (CHUO).

O mozo ferido, que se dedica á gandaría, vive en Maceda por motivos laborais, segundo confirmou o alcalde, Rubén Quintas.

Deste xeito, ningún dos accesos que houbo que traspasar por parte do autor dos disparos ata a vítima estaba forzado, o que levou ao rexedor a deducir que foi a propia vítima a que abriu tanto o portal como a porta da vivenda e que podería ser, por tanto, unha persoa "coñecida" polo ferido.

O ferido continúa en reanimación e ata que o sanitarios o autoricen non se producirá a declaración ante a Garda Civil de Ourense, que apenas conseguiu falar nun primeiro momento co mozo atacado.

Á marxe diso, a Garda Civil continúa coa investigación, que o delegado do Goberno, José Miñones, pediu respectar no seu traballo á marxe de especulacións.

Pola súa banda, o alcalde de Maceda manifestou a certa "tranquilidade" que mantén a vila, "independentemente do impacto" do sucedido, xa que se atribúe o ocorrido a un episodio puntual.

Polo momento, continúa a procura do autor dos disparos o día 2 de novembro desde a noite e madrugada deste xoves. Durante a xornada do xoves, ademais, fíxose a inspección ocular por parte dos Axentes da Garda Civil.