Tres feridos nun accidente en Esgos entre dous coches ao saltar un animal á vía
Por E.P. | Ourense | 17/12/2022 | Actualizada ás 13:41
A interceptación na vía dun animal en Esgos (Ourense) provocou un accidente entre dous turismos e, como consecuencia, tres persoas resultaron feridas, todas elas ocupantes dun dos vehículos implicados. Segundo informou o 112, todos foron evacuados en ambulancia do 061.
O accidente tivo lugar a medianoite. O condutor dun dos vehículos implicados contactou, a esa hora, co 112 Galicia para informar de que, tras querer esquivar a un animal que interceptou na vía, na OU-536, á altura do punto quilométrico 150, en Vilar de Ordelles, chocou contra outro vehículo.
Na súa comunicación, este condutor asegurou que se atopaba ben e que non había persoas atrapadas, pero que os ocupantes do outro vehículo podían precisar asistencia sanitaria.
Así, desde o 112 Galicia pasouse aviso ao Servizo de Urxencias Sanitarias de Galicia-061, á Garda Civil de Tráfico e aos membros do GES de Maceda e da Agrupación de Voluntarios de Protección Civil de Esgos. Tamén foron informados os Bombeiros de San Cibrao das Viñas e o persoal do servizo de mantemento da vía.
