Unicef e Gadis colaboran para loitar contra a desnutrición infantil en África con 35.280 sobres de alimento terapéutico
Por E.P. | SANTIAGO DE COMPOSTELA | 19/12/2022 | Actualizada ás 13:57
A ONG Unicef converte a doazón da cadea de supermercados galega, Gadis, en 35.280 sobres de alimento terapéutico para combater a desnutrición infantil e mellorar a situación de máis de 10.000 nenos do leste e sur de África.
A organización humanitaria anunciouno nun comunicado no que agradecen o "apoio inquebrantable" de Gadis desde 1993, ano desde o que levan colaborando para mellorar a situación de "nenas e nenos que viven en países en vías de desenvolvemento e están afectados por graves casos de desnutrición".
COLABORACIÓN UNICEF-GADIS
Non é a primeira ocasión que Gadis colabora con Unicef en 2022. A principios deste ano, con motivo da guerra en Ucraína, a cadea coa axuda dos seus clientes recadaron máis de 100.000 euros para accións humanitarias coa que se estima que se puido facilitar auga potable a máis de 320.000 nenas e nenos deste país.
A ONG tamén contou co apoio da cadea durante a crise sanitaria, con doazóns para facilitar o envío e distribución de dose de vacinas, así como test e tratamentos aos países con menos recursos.
