Touriño evita pronunciarse sobre quen debe ser o candidato do PSdeG á Xunta: "o partido decidirá ao mellor"
Reivindicou a esta formación como "alternativa de cambio" ao goberno "máis grisáceo" do PP en Galicia
Por Europa Press / Redacción | SANTIAGO DE COMPOSTELA | 19/01/2023 | Actualizada ás 19:55
O expresidente da Xunta e exsecretario xeral do PSdeG, Emilio Pérez Touriño, reivindicou a esta formación como "alternativa de cambio" ao goberno "máis grisáceo" do PP en Galicia, mentres que non se pronunciou sobre quen debe ser o candidato socialista á Xunta, se o actual líder dos socialistas galegos, Valentín González Formoso, ou o exsecretario xeral José Ramón Gómez Besteiro.
"Estou lonxe da vida orgánica", aseverou, a preguntas de Europa Press. Aínda así, trasladou a súa confianza en que o partido decidirá "quen estime que sexa mellor". Mentres, a alcaldesa da Coruña, Inés Rei, destacou a "aposta" polos servizos públicos durante a etapa de goberno de Touriño na Xunta.
Ambos fixeron estas manifestacións antes da presentación do libro 'O horizonte europeo', de Emilio Pérez Touriño, un acto con presenza, entre outros, dos edís socialistas no consistorio coruñés, José Manuel Lage e Yoya Neira, así como a subdelegada do Goberno na Coruña, María Rivas.
Tanto Touriño como Rei mostráronse optimistas de face aos resultados do PSdeG nas eleccións municipais e tamén autonómicas. "O PSdeG ten unha fortaleza municipal moi importante, confío en que poida alcanzar uns bos resultados e mellorar o presente", expuxo o expresidente autonómico.
No caso particular da Coruña, afirmou que ten "unha expectativa moi alta", mentres que xa sobre as autonómicas asegurou que "aínda falta moito tempo". Con todo, incidiu en que tras os anos de goberno do PP, "cun ton máis grisáceo que nunca", Galicia "necesita unha alternativa de cambio que poña en valor as capacidades que ten este país". "Unha alternativa que tradicionalmente encabezou o PSdeG", engadiu Touriño para quen os socialistas son os que poden dar "a volta a este país que tanto necesita".
REI APELA Á XESTIÓN SOCIALISTA
Pola súa banda, a alcaldesa da Coruña, Inés Rei, reivindicou, á súa vez, o goberno de Touriño na Xunta que simbolizou, dixo, "a aposta polos servizos públicos, a atención aos problemas dos galegos", engadiu pondo como exemplo a gratuidade dos libros de texto. "Tanto que o PP fala de baixada de impostos e tanta demagoxia coa fiscalidade, que se fixen naqueles gobernos que apostaban pola xente", sentenciou.
De face ás autonómicas, se ha mostrada confiada en que a cidadanía apoie o "proxecto de país, sólido" do PSdeG, mentres que sobre as municipais recalcou qeu os socialistas "demostraron capacidade á hora de xestionar".
"Saímos á cita electoral de maio cos deberes feitos", apostilou. Por iso, mostrouse esperanzada en que manteñan a gobernabilidade onde xa o fan e lograr bos resultados noutras localidades como Ourense. "Na Coruña a xestión destes anos está avalada con cifras, espero que quede referendado nas urnas cunha maioría suficiente para gobernar sen ataduras".
