Baixa a incidencia da folga dos letrados?... o comité cifra o seguimento nunn 77% e o ministerio nun 25%
Letrados piden a Sánchez que "ordene o oportuno" para resolver folga.
Por Europa Press / Redacción | Compostela | 22/02/2023 | Actualizada ás 20:25
Os Letrados da Administración de Xustiza (LAJ) temen que a reunión prevista para este venres no Ministerio de Xustiza sexa "meramente dilatoria" á vez que pediron ao presidente do Goberno, Pedro Sánchez, que "ordene o oportuno" para resolver o problema "máis grave padecido pola Administración de Xustiza en España".
Nun comunicado, os LAJs mostráronse dispostos a que a reunión se produza "esta mesma tarde" ou "á hora do día ou da noite que o Ministerio queira" para non esperar máis días nin dar lugar a suspensións nin atasco nos xulgados do país. "Cada día que pasa sen resolver o conflito, son 10.000 xuízos máis os que se suspenden", denunciaron.
Neste sentido, tamén afearon que a reunión teña unha hora de finalización e que dure só unha hora e media, desde as 10.30 horas ata as 12.00 horas, algo que se "antolla insuficiente para resolver un conflito tan encallado", polo que temen que o encontro sexa "meramente dilatorio" e que se pretenda xustificar "algo que é absolutamente inxustificable". "Que desde que comenzou o conflito, hai xa un mes, só se produciu unha reunión entre o Ministerio de Xustiza e o Comité de Folga", censuraron.
En calquera caso, os LAJs aclararon que se presentarán o venres coa vontade expresa e sincera de alcanzar un acordo e de achegar posturas para recuperar a normalidade nos xulgados e tribunais á vez que pediron á ministra Pilar Llop que se implique de forma directa e persoal para garantir o "diálogo honesto que prometeu" no Congreso.
