O Goberno inclúe nas axudas de transición xusta a planta de hidróxeno renovable de Meirama
O Instituto para a Transición Xusta celebrou unha xornada en Cerceda para abordar os proxectos.
Por E.P. | SANTIAGO DE COMPOSTELA | 15/03/2023 | Actualizada ás 12:46
O Ministerio para a Transición Ecolóxica e o Reto Demográfico (MITECO) incluíu un novo proxecto galego na resolución provisional de axudas para impulsar a produción de hidróxeno renovable. Trátase da planta que Naturgy, Repsol e Reganosa proxectan en Meirama para a que o Goberno outorga un financiamento de 15 millóns de euros.
Así o anunciou a directora do Instituto para a Transición Xusta (ITJ), Laura Martín, na inauguración dunha xornada sobre o convenio de transición xusta en Cerceda, na que tamén interveu o delegado do Goberno en Galicia, José Miñones.
Leste destacou que "se abre unha gran oportunidade para Galicia, para os concellos e tamén para as empresas e as persoas emprendedoras". "As oportunidades que viñemos instrumentalizando xa están en marcha", expuxo, á súa vez, Laura Martín, que resaltou que o proxecto de Meirama será "unha realidade a curto prazo".
