A Xunta notifica tres novos falecidos por covid
Hai menos de 800 casos activos.
Por Europa Press / Redacción | SANTIAGO DE COMPOSTELA | 03/04/2023 | Actualizada ás 12:48
A Dirección Xeral de Saúde Pública informou de tres novos falecidos atribuídos á pandemia de coronavirus, o que eleva a 4.111 os decesos atribuídos ao covid desde que se rexistra esta afección.
Concretamente, os últimos falecidos rexistrados correspóndense co 30 de marzo: un home, de 84 anos da área sanitaria de Lugo, A Mariña e Monforte de Lemos; un home 88 anos, na área sanitaria de Santiago e Barbanza; e un home de 73 anos, na área sanitaria de Vigo.
Ademais, Galicia conta con 751 casos activos, dos cales 159 pertencen á área da Coruña; 77, á de Lugo; 98, á de Ourense; 86, á de Pontevedra; 131, á de Vigo; 136, á de Santiago; e 64 á área de Ferrol.
Do total de pacientes positivos, cinco están en UCI, 127 en unidades de hospitalización e 619, en domicilio. Desde o inicio da pandemia, contabilizáronse 692.487 curacións.
