Un experto avaliará estes días a candidatura de Ferrol a Patrimonio Mundial
Entre os lugares visitados hoxe estiveron a ría de Ferrol e o barrio da Magdalena, un percorrido que continuará polo Arsenal Militar.
Por E.P. | SANTIAGO DE COMPOSTELA | 03/04/2023 | Actualizada ás 18:04
O alcalde de Ferrol, Angel Mato, recibiu este luns ao experto internacional en patrimonio mundial Alfredo Conti, arquitecto, profesor e exvicepresidente do comité de Icomos (Consello Internacional de Monumentos e Sitios) que se vai a encargar durante estes días de avaliar o estado actual do expediente da candidatura de Ferrol a Patrimonio Mundial e percorrerá algúns dos bens que integran esta candidatura.
Tras un breve encontro no Concello, o rexedor agradeceu a súa implicación no avance da proposta ferrolá e destacou que é un "pracer" contar cunha figura da "relevancia internacional de Conti", que participou en varias avaliacións de destinos a patrimonio mundial.
Por outra banda, a concelleira responsable de Patrimonio Histórico, Eva Martínez, destacou o traballo desenvolvido polo Concello nos últimos anos para promover a candidatura entre a cidadanía, especialmente entre a mocidade, e o coñecemento sobre as propiedades da proposta a través de diferentes iniciativas municipais.
IMPLICACIÓN
Conti presidiu este luns una das diferentes reunións que vai manter estes días na cidade cos diferentes axentes implicados na proposta, asegurando que Ferrol "conta cun altísimo potencial" e valorou positivamente o esforzo do Concello "por implicar a toda a comunidade", ademais das diferentes administracións. Entre os lugares visitados estiveron a ría de Ferrol e o barrio da Magdalena, un percorrido que continuará polo Arsenal Militar.
