Un móbil cargando, posible causa dun incendio nunha vivenda en Ferrol
Non houbo feridos, así descartouse a intervención dos servizos sanitarios.
Por E.P. | SANTIAGO DE COMPOSTELA | 09/04/2023 | Actualizada ás 14:21
Un móbil enchufado é a posible orixe dun incendio que arrasou unha sala nunha vivenda de Ferrol. O cuarto resultou completamente calcinado e mesmo a súa estrutura viuse afectada o efecto das chamas.
Segundo informou o 112, ocorreu ás 10 horas deste domingo nun domicilio situado en Novas de Caranza. Alí acudiron os Bombeiros de Ferrol despois de recibir o 112 Galicia unha chamada dun ocupante da vivenda. Estaba moi nervioso, xa que espertaron de súpeto alarmados polas chamas.
Ademais dos efectivos de extinción, os xestores do Centro Integrado de Atención ás Emerxencias de Galicia pediron a colaboración dos axentes da Policía Local e dos voluntarios de Protección Civil. Descartouse a intervención dos servizos sanitarios ao confirmarse que ninguén resultou ferido.
No entanto, os danos foron importantes: viuse afectada a estrutura dunha sala con efectos do piso superior. Os Bombeiros de Ferrol valoran a posibilidade de que un móbil enchufado fose o comezo do lume.
