Petición de once de cadea para o home que agrediu sexualmente a unha menor en Verín

A Audiencia Provincial de Ourense xulgará o vindeiro xoves, día 25, a un home acusado de agredir sexualmente a unha menor en Verín, uns feitos polos que Fiscalía pide para el 11 anos de prisión.

En concreto, os feitos remóntanse a novembro de 2017, cando o home, supostamente, abusou da menor no interior do seu vehículo, nun monte comunal de Verín.

Ademais da pena de prisión, o Ministerio Público pide para o home unha orde de afastamento e a prohibición de comunicarse coa vítima durante un período de 13 anos e que indemnice ao SERGAS con 361 euros, xa que a prexudicada renunciou á indemnización.

Audiencia Provincial de Ourense | Fonte: Wikipedia