Álvarez (PSdeG) ve a Pontón como "aprendiz de bruxa" por insistir en que o BNG gañará as galegas
Por E.P. | SANTIAGO DE COMPOSTELA | 12/06/2023 | Actualizada ás 17:44
O portavoz parlamentario do PSdeG, Luís Álvarez, criticou que a líder do BNG, Ana Pontón, se de por "gañadora" das eleccións autonómicas que se celebrarán o próximo ano, se non hai adianto electoral.
Preguntado polas declaracións na Cadea Ser nas que Pontón asegurou que canto antes se celebren as eleccións antes poderase "cambiar o rumbo deste país" cun goberno liderado polo Bloque, o dirixente socialista sostivo que Pontón ten "demasiada présa por chegar a un escenario no que ela non é consciente que a primeira forza política progresista de Galicia é o PSdeG".
"Darse por gañadora neste caso dun proceso autonómico paréceme facer o mesmo que acabo de dicir do señor Núñez Feijóo, de aprendiz de bruxo, neste caso de bruxa", sostivo nunha intervención na que cargou contra o "cinismo" de Feijóo e rexeitou entrar "nunha dinámica perigosa" sobre unha posible mal interpretación das súas palabras.
Luís Álvarez asegurou que Pontón hai moito meses que afirma que Galicia vai ter a primeira presidenta, que vai ser ela. "Pero eu cos resultados do 28M e cun partido socialista rearmado, ilusionado e con mentalidade gañadora, tampouco apostaría moito a que o BNG vaia a ser a primeira forza. É máis, estou convencido de que non", afirmou.
