Ollo con TikTok, podes ser multado polos vídeos que sobes
A Garda Civil identifica grazas a un vídeo de TikTok a un mozo de Ribadavia investigado por condución temeraria.
Por Europa Press / Redacción | LUGO | 19/06/2023 | Actualizada ás 12:08
A Garda Civil identificou grazas a un vídeo da rede social TikTok a un mozo de Ribadavia investigado por condución temeraria, instruíndose dilixencias que foron remitidas ao Xulgado de Instrución de Garda de Monforte de Lemos (Lugo).
Tal como informou a Benemérita, os axentes tiveron coñecemento dos feitos grazas a un vídeo de TikTok no que foron etiquetados. Nas imaxes podíase observar como o pasado mes de maio o condutor dun coche adiantaba a unha motocicleta invadindo antirreglamentariamente o sentido contrario da circulación no punto quilométrico 543,800 da estrada N-120, nun tramo de curvas sucesivas na baixada de Peareas (Lugo).
Dita acción podería constituír un suposto delito de condución temeraria, ao realizarse en contra "das máis elementais normas de seguridade" e "con evidente risco" para o condutor da motocicleta e dos ocupantes do turismo. Por iso, grazas á colaboración cidadá púidose identificar o autor dos feitos, un mozo de 21 anos veciño de Ribadavia.
