Por Galicia Confidencial | Santiago de Compostela | 21/06/2023 | Actualizada ás 15:24
'Pensa con orgullo' é o novo foro do informe levado a cabo para analizar as violencias que sofre o colectivo lgtbiq+ nos diferentes ámbitos da sociedade. Este informe foi coordinado por Carme Adán e o seu equipo, co soporte do Consello de Cultura, presidido por Rosario Álvarez. Lévase traballando nel un ano e medio e contouse ca axuda de máis de 100 colaboradores. Neste eido, Rosario ÁLvarez destaca que "todas as vocees foron escoitadas, tamén as dos colectivos implicados co ánimo de abordar e propoñer accións de mellora".
Na rolda de prensa de presentación do informe, Carme Adán explicou que no proceso previo fíxose unha radiografía da situación centrada no ámbito galego. "A lei actual está sen desenvolver", sinala Carme, que explica que non é tanto a ausencia de normativas senón a falta de desenvolvemento das mesmas. Ademais salienta que a palabra "formación" é a que máis apareceu durante este ano e medio, e e que sen unha formación adecuada nin unha figura que a rexa é dificil levar a cabo as actuacións de mellora.
Entre os datos máis preocupantes que tira o informe e que "á sociedad molestalle escoitar", destaca Carme, son, por unha banda, que o 50% dos casos de violencia cara ao colectivo danse no ámbito familiar e por outra que o 80% das veces nas cales se interpuxo unha denuncia por este tipo de violencia, a vítima non se sentiu acompañada nin segura durante o proceso. Algo que, según Carme Aldán, débese ao colapso dos servicios sociais e a sobrecarga dos xulgados. Tamén destaca que o 60% dos membros dos colectivos non consideran a escola un espazo seguro, cando en realidade debería ser un lugar onde non tivesee cabida á discriminación e violencia.
Ademáis destacouse tamén o ámbito do deporte, especialmente o do fútbol, onde nos estadios e vestuarios vese todo tipo de violencia, como a racista no caso de Vinicius, xogador do Real Madrid que na maioría dos partidos que xoga fóra da casa recibe insultos como "mono" ou "negro de merda". Pero a violencia por cuestión de identidade de xénero é a máis grave xa que é un ámbito onde segue existindo unha estrutura patriarcal moi forte ata o punto en que apenas existen casos de xogadores profesonais que saísen do armario publicamente por medo ás reacións da afición.
Neste eido, é moi complicado racadar datos, posto que é moi dificil medir este tipo de violencia nun contexto tan amplo. Seguindo a liña deportiva, no caso da educación física nos centros educativos, tamén se atopan discriminacións e violencia a este colectivo, como é o caso da ausencia de vestiarios inclusivos para as persoas trans ou o propio equipamento. Porén é necesario apostar pola modalidade mixta no deporte e adoptar unha perspectiva interseccional.
Finalmente, no campo laboral, onde a muller e este colectivo síntese moitas veces en desventaxa, os datos reflicten que o 70% das persoas do colectvo non se comporta de maneira aberta nin natural no seu traballo. Esto débese ao medo a ser xuzgados, tratados de maneira diferente ou incluso recibir burlas ou comentarios negativos.
Por todo isto, é moi importante a realización de informes como estes, que sirvan de paso previo para poder levar a cabo medidas e novas leis que nos leven a unha sociedade inclusiva, segura e aberta, onde cada un poida ser como é realmnete sen medo a ser xuzgado, insultado, denigrado, ou incluso asasinado, como por desgracia, vemos que pasa cada día.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.