Por Europa Press / Redacción | SANTIAGO DE COMPOSTELA | 13/07/2023 | Actualizada ás 16:30
O colectivo Amil Sen Eólicos denunciou este venres a desaparición da Pisada do Mouro tambié coñecida como Pé do Mouro, unha pieda de valor etnográfico e patrimonial, do Monte Acibal. O colectivo enviou un comunicado para expresar a súa "indignación pola desaparición deste importante" vestixio e a "clara situación de indefensión do patrimonio en Acibal".
Ademais, explica que a pedra xa fora previamente danada e desprazada da súa localización orixinal durante as obras de construción do polígono eólico Acibal e atopábase balizada e sinalizada.
Así mesmo, leste mesmo grupo detectou hai dúas semanas a falta doutros elementos patrimoniais do monte Acibal: un gravado dun cervo e outra pedra con covachas. Situación que denunciaron ao Servizo de Protección da Natureza (Seprona) que, pola súa banda, contactou con Patrimonio e coa empresa construtora, que recoñeceu que estes elementos foran movidos do monte a unhas casetas de obra para "evitar o malestar dos veciños".
De feito, o colectivo Amil Sen Eólicos afirmou que "Patrimonio non considera que o Pé do Mouro sexa un elemento etnográfico e que para que así o fose, faría falta o estudo dun historiador". Ao seu xuízo, isto demostra "a patente falta de estudo e prospección da zona e que sempre ten o mesmo desenlace: a perda de elementos patrimoniais".
Ademais, sinalaron que polos seus "descubrimentos e comunicacións ás autoridades patrimoniais", confirmouse neste monte a maior concentración de petróglifos de 'Tetrasqueis' do mundo. Unha formación lineal que parece ser a divisoria de varios territorios na época de Bronce.
Así, o colectivo solicitou "unha vez máis unha prospección adecuada na zona", pois teme que moitos destes símbolos xa fosen destruídos e que "un gravado compatible con estes Tetrasqueis está a piques de ser dinamitado".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.