Rescatada unha persoa na praia de Gures, en Cee

Varias dotacións de bombeiros e da Garda Civil desprazáronse a últimas horas da mañán deste venres, 14 de xullo, á praia de Gures, tras ser alertados pola existencia dun home que se tirou ao mar e que estaba en apuros.

Segundo confirmaron fontes dos bombeiros a Galicia Confidencial, o bañista foi finalmente localizado e posto a salvo aínda que se atopa ferido. Unha ambulancia trasladouno ao hospital da Coruña.