Sindicatos prevén unha folga no sector de eventos para o 15 de setembro se non se limita a xornada a un máximo de 12 horas

Os sindicatos CIG, Tesgal, CCOO e UGT anunciaron unha previsión de folga para o próximo 15 de setembro ante a "intransixencia" da patronal na negociación do novo convenio do sector de eventos. Nun comunicado da CIG, explicaron que "as demandas da parte social son simples, lóxicas e lexítimas", como a "limitación da xornada a un máximo de 12 horas en situacións excepcionais e descanso mínimo de 12 horas entre xornadas".

Os sindicatos sinalaron que o conflito "non é por un aumento salarial e tampouco en lograr privilexios para os profesionais do sector". "O conflito é porque a patronal non acepta equiparar aos profesionais do noso sector coas persoas traballadoras de calquera industria, con xornadas e descansos equiparables", denunciaron desde a CIG.

Así mesmo, expresaron que "os representantes da patronal insistiron nun retroceso dos dereitos recoñecidos internacionalmente a calquera persoa traballadora de calquera sector". Na mesma liña, argumentaron que as empresas ofrecen esta modalidade de emprego "co argumento das particularidades" do rubro no que se desenvolven as súas actividades.

Varias persoas nunha terraza de Vigo | Fonte: Marta Vázquez Rodríguez