Galicia autoriza enterramentos polo rito xudeu e musulmán e reduce de 24 a 12 horas o prazo mínimo para enterrarse

O Consello da Xunta deu luz verde a un novo decreto sobre a normativa da sanidade mortuoria en Galicia que, entre outras cuestións, reduce de 24 a 12 horas o tempo mínimo de espera para enterrar a un falecido e autoriza os ritos musulmán e xudeu de enterramento sen cadaleito.

Segundo dixo o presidente da Xunta, Alfonso Rueda, unha das novidades deste documento é que ampara o enterramento sen féretro, algo vetado ata agora en Galicia. Con iso, destacou, permitirase a realización de ritos como o musulmán ou o xudeu, para que estes crentes non se vexan obrigados a ir fóra da comunidade para realizar os enterramentos dos seus falecidos.

Ademais, redúcese a 12 horas o prazo mínimo para poder enterrar a un falecido, que era agora de 24, regularízanse cemiterios preexistentes aos que lle faltaba algún trámite e especifícanse normas para os crematorios, como a súa distancia polo menos de 200 metros de núcleos residenciais.

Unha muller limpa unha lápida do cemiterio de Quintana dos Mortos de Santa María A Nova, a 26 outubro de 2021, en Noia | Fonte: Álvaro Ballesteros - Arquivo