Eliminados dous puntos de verteduras de augas residuais en Oza-Cesuras e na Laracha
Por E.P. | SANTIAGO DE COMPOSTELA | 24/09/2023 | Actualizada ás 11:23
A Consellería de Infraestruturas e Mobilidade, a través de Augas de Galicia, eliminou dous puntos de verteduras de augas residuais. Un no concello coruñés de Oza-Cesuras e outro no da Laracha.
Así, por unha banda en Oza-Cesuras os técnicos do Programa de Control de Verteduras de Augas de Galicia detectaron unha vertedura procedente dunha vivenda da parroquia de Cuíña, nun entrono dun regacho pertencente á conca do río Mero.
Por iso, a Xunta notificoulle esta situación ao titular do inmoble para que procedese a adoptar as medidas correctoras correspondentes que, posteriormente nunha nova inspección, o persoal constatou a instalación dunha fosa séptica no punto.
Por outra banda, na Laracha o punto de vertedura foi localizado en Caión onde os técnicos detectaron unha vertedura irregular de augas residuais ao mar, a través dunha condución de desaugadoiro de pluviais. O Executivo autonómico notificoulle a situación á empresa xestora do servizo de saneamento municipal co obxectivo de que realizase as actuacións oportunas.
