Un conduto ferido tras impactar o seu coche contra un camión en Piñor
Os servizos sanitarios informaron ao 112 de que tras os sucesos, a zona era perigosa para circular, polo que foi necesaria a acción das forzas da orde.
Por E.P. | SANTIAGO DE COMPOSTELA | 16/10/2023 | Actualizada ás 20:24
Un condutor foi trasladado a un centro hospitalario na tarde deste luns tras impactar o seu coche contra un camión na localidade ourensá de Piñor.
Tal como informou o 112 Galicia e a Garda Civil, os feitos ocorreron sobre as 18,15 horas na autovía AG-53 ao seu paso por Piñor e sentido Santiago de Compostela.
Foi unha colisión entre un camión e un coche, resultado ferido o condutor deste último. En concreto, o camión articulado, que transportaba utilería de circo de Salceda de Caselas a Lalín, estaba avariado, ocupando a beiravía e parte do carril dereito. Contra el impactaría o coche.
Así, o home resultou ferido, polo que se deu aviso aos servizos sanitarios, que desprazaron unha ambulancia ao lugar. Tamén se alertou á Garda Civil de Tráfico e aos bombeiros, pero finalmente non foi necesario excarcerar ao ferido, que foi trasladado a un hospital.
Ademais, os servizos sanitarios informaron ao 112 de que tras os sucesos, a zona era perigosa para circular, polo que foi necesaria a acción das forzas da orde.
