PSOE e PP de Pontevedra acordan condenar o terrorismo de Hamás e os asasinatos de palestinos
Os socialistas recoñecen estar "absolutamente consternados e preocupados" e confían nun acordo unánime dos tres grupos da corporación.
Por Europa Press / Redacción | PONTEVEDRA | 19/10/2023 | Actualizada ás 12:45
O Grupo Municipal do PSOE en Pontevedra rexistrou unha emenda a unha moción do PP na que insta o pleno do concello a condenar os ataques terroristas de Hamás contra Israel para pedir tamén que se rexeiten os asasinatos e actos e violencia perpetrados contra poboación civil palestina.
Nun comunicado, os socialistas pontevedreses aseguran que apoian o contido expresado na proposta popular, que tamén pide ao Goberno de España que defenda que a Unión Europea manteña as axudas humanitarias dirixidas ao pobo palestino, pero garantindo que ningún financiamento acabe dando soporte a organizacións terroristas.
A emenda está asinada polo portavoz municipal do PSOE, Iván Puentes, que confía en que o tres grupos da corporación de Pontevedra poidan chegar a un acordo unánime nun asunto que os ten "absolutamente consternados e preocupados" e no que confían que se poida frear canto antes a escalada de violencia e garantir a seguridade dos pobos de Israel e Palestina.
