Cinco feridos nunha colisión frontal entre dous vehículos en Boimorto

Cinco persoas resultaron feridas de diversa consideración nunha colisión frontal entre dous vehículos ocorrida este domingo na estrada AC-840, ao seu paso pola parroquia de Dormeá, no municipio coruñés de Boimorto.

Dos feridos, dous presentaban lesións leves e outro rexistraba un problema nun brazo anterior ao sinistro. Todos eles foron evacuados en ambulancia ao centro hospitalario de referencia.

Segundo trasladou o 112 Galicia, un particular deu aviso deste accidente sobre as 13,00 horas. Nese momento, a central de emerxencias activou os protocolos correspondentes para mobilizar aos servizos sanitarios, á Garda Civil de Tráfico e a Protección Civil da localidade. Ademais, tamén interviñeron os equipos de limpeza e mantemento da Axencia Galega de Infraestruturas.

Ambulancia do 061-Urxencias Sanitarias de Galicia | Fonte: URXENCIAS SANITARIAS-061 - Arquivo