Encontran o cadáver dun home no interior dun pozo en Coles

Un home de 93 anos foi achado morto na tarde deste xoves nun pozo situado no lugar de Outeiro, no municipio ourensán de Coles.

Segundo informou a Garda Civil, trátase dun home de 93 anos que foi achado polo seu fillo nun pozo situado nunha adega.

O instituto armado iniciou unha investigación para esclarecer o ocorrido, pero sinala que non se aprecian signos de criminalidade e que as primeiras hipóteses apuntan a un accidente.

Ata o punto acudiron os servizos de Urxencias Sanitarias de Galicia 061, a Garda Civil, os Bombeiros do Carballiño, o GES de Pereiro de Aguiar e efectivos de Protección Civil de Coles.

Garda Civil | Fonte: 112 - Arquivo