Detido por vender drogas nas proximidades dun instituto de Portonovo
Por Europa Press / Redacción | PONTEVEDRA | 07/02/2024 | Actualizada ás 10:31
A Garda Civil investiga a un veciño de Poio, de 50 anos de idade, como presunto autor dun delito contra a saúde pública, por vender drogas nas proximidades dun instituto de Portonovo.
Segundo informaron fontes da Comandancia, as investigacións iniciáronse o pasado mes de novembro, tras ter constancia da actividade de venda de droga nas proximidades dese centro educativo. Os axentes comprobaron que o sospeitoso se desprazaba ata alí en bicicleta, e atopábase cos seus 'clientes', con quen facía as transaccións.
O pasado 5 de febreiro, despregouse un dispositivo para interceptar a este home, que ten numerosos antecedentes, e foi detido cando se dispuña a facer unha venda. No momento da detención interviñéronselle varias doses de heroína. As actuacións foron postas en coñecemento do xulgado de garda de Cambados.
