O Sergas abre máis de 140 novas prazas de aparcadoiro no hospital de Santiago
O novo espazo habilitado para uso xeral conta con 1.700 metros cadrados útiles.
Por E.P. | SANTIAGO DE COMPOSTELA | 16/02/2024 | Actualizada ás 19:25
O Servizo Galego de Saúde (Sergas) abriu ao público este venres 141 novas prazas de aparcadoiro na contorna do Hospital Clínico Universitario de Santiago, coas que suplirá as prazas que se verán afectadas durante a execución das obras do novo Centro de Protonterapia de Galicia.
Tal como explicou a Xunta nun comunicado, a partir de agora se poderá estacionar na parcela que foi acondicionada na Travesía da Choupana, fronte á entrada principal do Hospital Gil Casares.
O novo espazo conta con máis de 3.100 metros cadrados de extensión, dos que 1.700 son útiles e nos que 141 coches poderán aparcar. Este parking, habilitado para uso xeral, pasará a ser para uso dos profesionais a partir de que se peche o estacionamento habilitado para eles, onde levará a cabo a obra do Centro de Protonterapia.
