18F.- Pechan en hora e sen incidencias as mesas electorais
Só dúas mesas clausuraron algo máis tarde, ao redor das 20.30 horas, aquelas que se constituíron con atraso, en Vigo.
Por Europa Press / Redacción | SANTIAGO DE COMPOSTELA | 18/02/2024 | Actualizada ás 20:40
A maioría das 3.950 mesas electorais dispostas para este 18 de febreiro en Galicia para os comicios autonómicos pecharon en hora, ás 20.00 horas, e sen incidencias. Só dúas mesas clausuraron algo máis tarde, ao redor das 20.30 horas, aquelas que se constituíron con atraso.
En concreto, as mesas de dous locais de Vigo tardaron aproximadamente media hora en constituírse debido a problemas para abrir a porta dun dos locais e noutra porque faltaban membros nalgunha das mesas. Ademais destas dúas incidencias, houbo outras "pequenas incidencias" no municipio coruñés de Culleredo, onde houbo problemas coa transmisión de datos dunha mesa, e en Boqueixón e Ponteareas por falta de material, pero que se solucionou o máis axiña posible.
