Interceptada en Verín tras circular borracha 14km/h en sentido contrario pola A-52
Quintuplicabla a taxa de alcoholemia.
Por Europa Press / Redacción | OURENSE | 19/02/2024 | Actualizada ás 13:14
Axentes da Garda Civil interceptaron, á altura de Verín, a unha condutora que circulaba baixo os efectos do alcol, e que percorrera 14 quilómetros en sentido contrario pola autovía A-52.
Segundo informaron fontes da Comandancia, os feitos ocorreron na madrugada do pasado mércores, cando o 112 alertou á Garda Civil da presenza dun vehículo circulando en sentido Vigo, polos carrís reservados para circular na dirección contraria (cara a Benavente). O destacamento de Tráfico despregou un dispositivo para dar co vehículo e, tras varios intentos, logrou interceptar á condutora preto da saída de Verín.
Ao identificar á muller, os axentes comprobaron que se atopaba totalmente desorientada e manifestou que non se decatou de que circulaba en sentido contrario. Ao ser sometida á proba de alcoholemia, esta arroxou un resultado de 1,29 e 1,32 mg/l, é dicir, cinco veces máis que a taxa máxima permitida.
O escaso tráfico e a rapidez na actuación da Garda Civil impediron que tiveran lugar consecuencias nefastas por eses feitos. A condutora, suposta autora dun delito contra a seguridade viaria, poderían enfrontarse a penas de prisión e prohibición de conducir vehículos a motor e ciclomotores.
