"Retoques" no goberno da Deputación de Pontevedra tras a saída de José López como conselleiro de Cultura
Por E.P. | SANTIAGO DE COMPOSTELA | 19/04/2024 | Actualizada ás 16:34
O presidente da Deputación de Pontevedra, Luís López informou este venres que o goberno provincial terá "un pequeno retoque" tras a saída do xa ex alcalde da Estrada, José López, tras ser nomeado novo conselleiro de Cultura, Lingua e Xuventude.
As competencias que José López tiña no goberno provincial, Cooperación Local e Emerxencias, asúmenas os deputados María Ramallo e Alejandro Lorenzo, respectivamente.
Luís López aproveitou a súa comparecencia ante os medios para dar a benvida a Belén Cachafeiro ao goberno provincial onde asumirá a xestión de Fondos Europeos, Innovación e Axenda Dixital, que ata agora xestionaba Ramallo. Cachafeiro, ex alcaldesa de Forcarei, era suplente na lista do Partido Popular no partido xudicial de Deza-Tabeirós-Terra de Montes.
"Con estes axustes queda configurado un equipo de enorme nivel para seguir transformando a provincia", afirmou o presidente da Deputación.
